SPJALLIÐ   

  NÝJAST - MEMBERS CORNER

Vil bara minna alla útivistarmenn á endurskinsmerkin. Í þessu svartamyrkri sem verið hefur síðustu vikurnar er ógerningur að sjá fólk sem er á ferðinni í vegkantinum þar sem svart malbikið er í bakgrunni.

	Gleðileg jól og farsælt komandi ár Ég vil óska öllum félögum Hlaupadagbókarinnar gleðilegra jóla og farsæls komandi árs. Þakka ykkur öllum fyrir þátttökuna hérna á síðunni.
Hlaupadagbókin kemur sterk inn í næsta ár í nýrri útgáfu. Nýja útgáfan er gerð í DOTNET og inniheldur ýmsar betrumbætingar... meira um það síðar.

Á gamlársdag verður Gamlárshlaup ÍR þreytt í 33. sinn og hefst hlaupið kl. 12:00 við Alþingishúsið. Skapast hefur hefð fyrir því að hlauparar mæti í hinum ýmsu búningum og í ár verða veitt verðlaun fyrir bestu búningana. 

Athugið að hlaupinu hefur verið flýtt um klukkutíma frá því sem verið hefur.  Jafnframt hefur leiðinni verið breytt lítilsháttar með öryggi hlaupara og starfsfólks hlaupsins í huga.

Hægt er að skrá sig á hlaup.is til miðnættis 30. desember . Á hlaupdegi verður hægt að skrá sig á staðnum í Ráðhúsinu frá kl. 10:30 þar til 10 mínútum fyrir hlaup, keppendur eru vinsamlegast beðnir um að virða það. Þátttakendur eru hvattir til að forskrá sig á www.hlaup.is.